Che mitã ramo güare abuela he’i va’ekue cheve «eroviá ndejehe, che memby, ha mombyryta nde rape», che apukante, na entendéi.
Ko’ãnga, 20 año ohasama upe jave ha Aikumby sapy’a iñe’e.
Añepyru añeha’a ajeroviá chejehe. Oimene ngo ha’e oikuaama hasyha jaiko jarovia’yre ojoehe ha che mbo’ese tekove ombo’e va’ekue chupe…
Aikumby sapy’a.
Ko’ãnga aguata che rape ahavo ha añeme’e en cuenta heta mba’e ikatu ajapo che rapicha kuera re ogüerovia’yva güeteri ojoehe.
Nde ko heta nde mbyja, che retã, pero ndojehechapái güeteri. Sapy’ante okañy umi mbyja o mimbivéva porque okyhyje angá overá hagüere pytûmbure. Otras veces katu mbyja ni ndoikuaai omimbihá arai oime hagüere imbytepe, ha opyta oimo’a ha’e ndomimbihái.
Upévare, ahamita aju, che retã.
Añogüaitita sapy’aite kuarahy poty che ra’arova mombyry güive, ambue tetãme. Amombe’uta chupe mba’éichaitepa nde arandu, mba’éichaitepa nde porã ha mba’éichaitepa rohayhu.
Rombotuichavese hagüere ko ahá, che retã. Añangareko porãveta nderehe anga ajuvo, heta mba’e aikuaatama ajurirevo ha amba’apo porãveta romombarete haguã.
Hasy ngo ñande rekove ñande diferente ramo, che retã.
Jaikotevē mbyja kuéra ogüerovia ijehe, mbyja hesakáva, mbyja okañyva ha mbyja ojejokova por no o mimbí; enterovetea ogüerovia va’era omimbí kuaa ijehegüi ha he’i «Aikumby ma ko’anga»
Tekotevê ojepytaso nde yvaga ha ojehechauka mba’éichaitepa ojajái opaite mbyja oikova pype, kyhyje’yre, por no araka’eve mbyja opyta tape ku’are ha ogüé.
Upeva che sueño hina, upevare che ahata aju, porque añangarekose mbyja oikova Paraguay yvagape ha ndapyty’umo’ai upe ára peve.
Jajohecha peve mante, che retã
Maureen.
Aikumby Centro 